ലഘൂകരിച്ച മലയാളം ലിപി
നാള്വഴി
ദ്രമിള മൊഴികൂട്ടത്തിലെ തെക്കന്-ദ്രമിള ഒന്ന് ചില്ലയില് ഉള്പ്പെടുന്ന ഒരു മൊഴിയാണ് മലയാളം. മലയാളം എഴുതുവാനായി പല എഴുത്തുമുറകളും നിലനിന്നിരുന്നു. ഇവ ഇന്ത്യയിലെ തന്നെ ഏറ്റവും പഴക്കംചെന്ന തമിഴ്-ബ്രഹ്മി അല്ലെങ്കില് തമിഴി, വട്ടെഴുത്ത്, കോലെഴുത്ത്, മലയാണ്മ, ആര്യനെഴുത്ത്, അറബി ലിപി തുടങ്ങിയവ ആകുന്നു. തമിഴി ലിപിയില് നിന്നുമാണ് വട്ടെഴുത്തും, ഗ്രന്ഥ-പല്ലവ മുതലായ തെക്കേ ഇന്ത്യന് ലിപികളും ഉടലെടുത്തത്. ഇന്നത്തെ മലയാള ലിപി ഗ്രന്ഥയില് നിന്നും വളര്ന്നു വന്ന ആര്യനെഴുത്തിന്റെ ഒരു നേര്മവരുത്തിയ പതിപ്പ് ആണ്. ഇതില് ചില ദ്രമിള ഒലികളെ കുറിയ്ക്കുവാന് വട്ടെഴുത്ത് അച്ചുകളും കടം കൊണ്ടിരിക്കുന്നു.
മലയാളമെഴുതുവാനായി ഏറ്റവും കുടുതല് പയന്പെടുത്തി വന്നിരുന്ന വട്ടെഴുത്ത് ആയിരുന്നെങ്കിലും പില്ക്കാലത്ത് സംസ്കൃതമയമാക്കലിന്റെ കുത്തൊഴിക്കില് വട്ടെഴുത്തിനു പകരം ആര്യനെഴുത്ത് മലയാളത്തിന്റെ മുതല് എഴുത്തുമുറയായി എത്തി. ഏറെയും സംസ്കൃതമെഴുതാന് വേണ്ടി നിലകൊണ്ടിരുന്ന ഈ ലിപി പുതിയ മലയാളത്തിന്റെ തകപ്പനായ തിരു തുഞ്ചത്തെഴുത്തച്ചനവര്കള് മലയാളത്തിനുവേണ്ടി എതിരേല്ക്കുകയുണ്ടായി.
എളുതാക്കിയ ലിപി
പച്ചമലയാള എഴുത്തിയലിനു (സാഹിത്യം) വേണ്ടി പയന്പെടുത്തിവരുന്ന സംസ്കൃത ഒലികള് ഇല്ലാത്ത വെറും മുപ്പതോളം വരുന്ന അച്ചുകളെ വിപുലീകരിച്ച് ഗ, ജ, ഡ, ദ, ഫ, സ, ഷ, ഹ എന്നിവയും 'ഩ', 'ഺ' എന്നീ പരവലിലില്ലാത്ത അച്ചുകളും കൂടി ചേര്ന്നതാണ് എളുതാക്കിയ മലയാളം ലിപി അല്ലെങ്കില് ലഘൂകരിച്ച മലയാള ലിപി (simplified malayalam script).
നേട്ടങ്ങള്
- നിലവിലുള്ള ലിപിയുടെ സങ്കീര്ണത കുറയ്ക്കുന്നു.
- കടം കൊള്ളുന്ന വാക്കുകള് മാത്രമെഴുതുവാനായി ഗ, ജ, ഡ, ദ, ഫ, സ, ഷ, ഹ എന്നീ അച്ചുകള് പയന്പെടുത്തുമ്പോള് മൊത്തതിലുള്ള അച്ചുകളുടെ എണ്ണം വീണ്ടും കുറയുന്നു.
- കൂട്ടെഴുത്തുകളുടെ എണ്ണം കുറയ്ക്കുകയും ലിപി കൂടുതല് എളുപ്പമാക്കുകയും ചെയ്യുന്നു.
- 'മഹാപ്രാണ' എന്ന് അടയാളപ്പെടുത്തി വരുന്ന ഒലികളുള്ള സംസ്കൃത വാക്കുകളുടെ ഉപയോഗം താഴ്ത്തുകയും മൊഴി ലളിതമാക്കുകയും ചെയ്യുന്നു. ഇവയ്ക്ക് പകരം തനത് മലയാള വാക്കുകളോ 'തത്ഭവമായ' സംസ്കൃത വാക്കുകളോ പയന്പെടുത്താവുന്നതാണ്.
- ഈ മാറ്റം മലയാളം കല്ക്കുന്ന (പഠിക്കുന്ന) മലയാളികള്ക്കും അതുപോലെ തന്നെ മലയാളികളല്ലാത്തവര്ക്കും അവരുടെ പഠനവേഗത കൂട്ടുവാന് കഴിയുന്നു.
- എളുതാക്കിയ ലിപി സാങ്കേതിക അറിവില് അയവുവരുത്തുന്നു. മലയാളത്തില് അനാവശ്യമായി അടിഞ്ഞുകൂടിയ ഏടാകൂടങ്ങള് ഒഴിയുന്നതോട് കൂടി കമ്പ്യൂട്ടര് നയപ്പൊരുളുകളുടെ (സോഫ്റ്റ്വെയര്) ഉപയോഗം കുടുന്നു.
- നിലവിലുള്ള റിസോഴ്സ്സസുകള്ക്ക് കോട്ടം തട്ടാത്ത വകയില് പരുവപ്പെടുത്തി എടുത്തതായതിനാല് മറ്റു കുഴപ്പങ്ങള് ഈ എളുതാക്കലിനാല് ഉടലെടുക്കുകയില്ല.
- മൊബൈല്, കമ്പ്യൂട്ടര് എന്നിവയില് ടൈപ്പിങ്ങ് എളുപ്പമാക്കുകയും മലയാളം ലിപിയുടെ പയന്പെടുത്തല് ഏറുകയും ചെയ്യുന്നു.
ഇതിനെ കുറിച്ച് ആഴത്തിലറിയുന്നതിനായി ചിവടെ നല്കിയിരിക്കുന്ന കണ്ണികയില് പോകുക.
Comments
Post a Comment